प्रधानमन्त्री ओली आज दिउसो साढे १ बजे उपचारका लागि सिंगापुर जाँदै

0
9

भदौ ५, काठमाडौं । प्रधानमन्त्री केपी शर्मा ओली बिहीबार दिउसो साढे १ बजे उपचारका लागि सिंगापुर जाँदैछन्।

स्वास्थ्य परीक्षणका लागि गत साउन १८ गते सिंगापुर प्रस्थान गरेका प्रधामन्त्री ओली १० दिनमा स्वदेश फर्किएका थिए।

सिंगापुरको नेशनल युनिभर्सिटी हस्पिटल (एनयुएच) मा प्रधानमन्त्रीको फलोअप हुने प्रधानमन्त्रीका प्रेस संयोजक चेतन अधिकारीले बताए ।

प्रधानमन्त्री पत्नी राधिका शाक्य, प्रमुख सल्लाहकार विष्णु रिमाल, प्रधानमन्त्रीका निजी चिकित्सक दिव्या सिंह र प्रमुख स्वीकय सचिव राजेश बज्राचार्यसहितको टोली हुने बताएको छ ।

१२ वर्षअघि मिर्गौला प्रत्यारोपण गरेका ओलीले आफ्नो स्वास्थ्य परीक्षणलाई उत्तिकै महत्व दिँदै आएका छन्। उनको दिल्लीस्थित अपोलो अस्पतालमा मिर्गौला प्रत्यारोपण गरेपछि नियमित स्वास्थ्य परीक्षण काठमाडौं, दिल्ली, बैंकक र सिंगापुरमा हुँदै आएको थियो।