पीपीएल : धनगढीले विराटनगरलाई ५ रनले हरायाे

0
7

मंसिर ३०, काठमाडौं । पोखरा प्रिमियर लिग (पीपीएल) अन्तर्गत सोमबार भएको पहिलो खेलमा एक्सपर्ट धनगढीले विराटनगर टाइटन्सलाई ५ रनले हराएको छ ।

टस हारेर पहिले ब्याटिङ गरेको धनगढीले निर्धारित ओभरमा ८ विकेट गुमाउँदै १ सय १७ रन बनायो ।

धनगढीका लागि कमलसिंह ऐरीले सर्वाधिक २६ रन, त्यस्तै श्रीमन्थ विजेरत्नेले २५ रन बनाए भने सन्दिप जोरा सात, अमित यादव तीन र मञ्जित श्रेष्ठ ११ रनमा आउट भए भने सौरभ खनाल ले १२ रन जोडे ।

विराटनगरका लागि साहब आलमले तीन तथा नोमान खानले दुई विकेट लिए ।

१ सय १८ रनको लक्ष्य पछ्याएर मैदानमा उत्रिएको विराटनगर निर्धारित ओभरमा ९ विकेट गुमाउँदै १ सय १२ रनमा सीमित भयो । विराटनगरका लागि राजु रिजालले सर्वाधिक २५ रन, त्यस्तै सुनिल धमलाले १८ तथा पुनित मेहराले १५ रन जोडे ।

धनगढीका लागि दीपेन्द्रसिंह ऐरीले ४ ओभरमा १ मेडन राखेर १९ रन दिँदै ३ विकेट हात पारे । त्यस्तै सागर ढकालले १ विकेट लिए ।

त्यस्तै आजकै दाेस्राे खेलमा काठमाण्डाै गाेल्डेन्स वारियर्स र बुटवल ब्लास्टर्स खेलिरहेका छन् । बुटवलले टस जितेर पहिला बलिङ गर्ने निर्णय गरेकाे छ ।