नेशनल लाईफद्धारा म्याचुरिटी क्लेम बापत एक करोड ८४ लाख रुपैयाँ भुक्तानी

0
9

काठमाडौ, बैशाख १८
नेशनल लाईफ इन्स्योरेन्स कम्पनीले म्याचुुरिटी क्लेम अर्थात पुर्णवधी दावी वापत एक करोड ८४ लाख ४१ हजार नौ सय ८५ रुपैयाँ भुक्तानी गरेको छ । कम्पनीले लकडाउनको अवधिमा पनि बीमितहरुलाई डिजिटल माध्यमवाट विविध बीमा सेवा उपलब्ध गराउदै आएको र सोही अनुसार यस अवधिमा उक्त परिमाणको रकम भुक्तानी गरेको जानकारी दिएको छ ।
कम्पनीले डिजिटल प्रविधिवाट बीमाशुल्क भुक्तानी लिने र बीमितलाई अन्य सेवा सुविधा समेत उपलब्ध गराइरहेको छ । कम्पनीले आफ्नो सम्पूर्ण कर्मचारीहरुको कोरोना (कोभिड १९) रोग वापत एक वर्षको लागि बीमा गरेको छ । सो रोग लागेको पि.सि.आर. प्रविधिवाट प्रमाणित भएमा तुरुन्त बीमाङ्क रकम प्रदान गर्ने ब्यवस्था रहेको छ । यसवाट कम्पनीमा कार्यरत कर्मचारीहरुको मनोवल उच्च हुने र ब्यवसायमा सकारात्मक प्रभाव पार्ने बिश्वास कम्पनीले लिएको छ ।